وحلمت بيها ... , ياااااه .. , من إمتى مافكرتش فيها؟! لألأ .. دانا لسة شايفها قريب, و كلمتها كمان, ... ماحستش بحاجة ساعتها, غالباً كنت رافع الدروع!
حتى فـ الحلم كنت رافع الدروع النفسية و راصص المتاريس. وهى كانت بتقرب, .. طبعا خبطط فـ المتاريس!
طبعا ده عمره ما حصل فى الواقع, على الأقل مش فى السنين الأخيرة, ومش معاها هية ... حصل من سنين, وحصل مع ناس تانيين. لو حصل فى الواقع أكيد كنت هاشيل الدروع, .. أكيد!! مع إنّى كل ما بنزّلها باتبهدل, بانبسطلى شوية و بعدين اخدلى خبطة مـ اللى هية! فـ الصميم!
No comments:
Post a Comment